المرأه القويه
الرجال في الكويت يسمون المرأه القويه...وزاره الداخليه ...وخصوصاً أذا كانت من النوع الي يتصل كل دقيقه بزوجها...وينك وشنهو قاعد تسوي ...لا بس دقيت أسئل عنك وشنهو اخبارك....يعني مليون مره قبل لا يطلع قال لها أنه بيروح دوانيه الربع أو يتمشي معاهم.....أو.. أو....الخ ...بس ما تقدر لازم أتنقص عليه وأدق ...وهو يسوي نفسه انه عنده موضوع معاها ...علشان لا يطفرونه الربع... وهو وده يقولها الله يهداك يا فلانه... مو توني قايل لك وين بروح.. ومن عنده.. وشحقه رايح..ومتى راح أرجع....لا وفوق هذا من يحين وقت العوده تلفون وره تلفون ورر ورر ...تقول شبت بالبيت حريقه...شدعوه... المسكين يا عيني ما تهنا بالطلعه...يعني ما أعتقد أنها ولهت عليه هالكثر...وبالبيت جم دقيقه تأخرت.. ريحتك غير.. شكلك غير....مليون سؤال وجواب تقول تحقيق...وأذا عزمتهم عندك لأنك تعرفه خو أنته ما تعرفها...أهي الي تتكلم اكثر منه معاك...وكل شويه بس أنا احب ...وأنا اكره..ورأيي جذي..ولازم جذاك.. يالطيبه ودي أتكلم مع صاحبي شوي أبعرف رأيه ..وبعدين ما يخط خيط صغير...بعد مو كبير... الا بأمرها...لا وأذا سافروا أوووه... تقوده مثل -الياهل- بس لاحقها ويشيل الأكياس...تسأله طبعاً بعض الأحيان شرايك ..بعض الأحيان أذا أشتهت... أي واحد من هذول أخذ.. يقولها أخذي هذا حلو...ترد.. ويع هذا هيلقي.. شوف هذا أحسن وبعين ذوقك مو حلو ...عيل أشحقه سألته من البدايه...وأخر شئ لما تسولف مع ربعها شفتو زوجي فعلته وتركته...كل السوالف والنكت عن زوجها
بس ماني مكمل
طبعاً هذا ينطبق على الرجال بعد مو بس النساء...علشان أكون عادل...بس بالذمه مو أكو من هذه النوعيه عندنا في مجتمعنا...أنا ما أقدر أشوف جذي أستحي من الشخص الي أشوفه وما أبي أحرجه علشان جذي أنحاش
أنزين هذه النوعيه يسميها الرجال وزاره الداخليه..لأنها تخرع زوجها ومراقبته مثل الداخليه... أولاً أبي أعرف ...النساء شنهو يسمون الرجل الي جذيه
والأهم من ذالك المرأه السهله البسيطه الواثقه من نفسها ومن زوجها .. أو الرجل الي جذي.. شنهو نسميهم..وزاره الخارجيه...أو أي وزاره..أو مسمي أخر
هناك ٤٠ تعليقًا:
الرجل القوى يسمونه السعلو
المرة القوية يسمونها السعلوة
الرجل الضعيف يسمونه الخيخه
المرة الضعيفه يسمونها الدروة
بس بالأخير،الكل قاعد يأخذ حقه هالأيام و الريال اللى يخاف من مريه،دايماً تكون قاضبه عليه شىء
وسلامتكم
كيتي
مشكوره وايد...أكو ناس يسمون المرأه القويه العنكبوت ... والريال القوي المصرغع
بس بو خماس حلوه هذه...وهم شنو يسمونكم ...لا يكون الساحره
00000000000000000000000000000000000
جاي حليب
ويسمون الرجل الضعيف الجخوه والخيخه والكودنه
والمرأه الضعيفه خدايو....بس أكو مثل يضحك يقولك الرجال الي ما يخاف ...مايخوف
هاهاها....ونس عمرك بهذا المثل
الريل الدعله اللي من هالنوع ما اواطنه والمرة واعليه ما سوت جذي الا من الظيم اللي شافته فأنا اسميهم اهم الاثنين في هالحالة : برج التحكم
تويتي
أنا مثلك... بس لازم تدافعون عن المرأه...بس تسمية برج المراقبه حلوه وجديده
شكرا على سرعه المرور
والله اني مريت عليك قبل لا تقول لي
القلوب عند بعضيها
:p
أنا وزوجى نمارس الديمقراطية في حياتنا أهوه ما يحب طلعات المطاعم ولا اللويه اللى مالها هدف. طول عمره عايش مع ربعه فبعد الزواج قال طلعى روحى استانسى مع أهلج ما أمنعج وآنا نفس الشىء امخليته على راحته مع ربعه بس ساعات نطلع مطعم إذا في يمعة وسينما إذا في فيلم حلو. المهم هو تفاهم الطرفين. آنا اسمى نفسى وزارة السياحة
الريال أذا مو مسيطر على المراة أحنا نسمية عبود ؟
أما عن المراة المسيطرة نسميها النسرة والريال المسيطر ما اسمي شيءلان هذا من أهم واجباتة أن يكون مسيطر ؟؟؟؟؟ وانا جدا يعجبني الريال المسيطر ؟؟
تويتي
مصدقك... بدون حلافان أنتي واصله دوم ...مو بس اليوم
وأنشاء تظل دوم عند بعضيها
ومشكوره يا وفيه
----------------------------------------------------------------------
العين الساهره
أنتي وين تختفين وتردين ... مساع بقيت أدش وأشوف بوستك علشان أطمئن عليك...لقيتك دشيتي علي بوستي قبل...أحسن شئ طريقتك هاذي الحريه وعدم التقيد ...بس لازم الشخص المقابل يحترم هذه الحريه ويقدرها ويقص الحق من نفسه تجاه الطرف الأخر أنا وزوجتي ما نحب التقيد حريه مع ألتزام وتفاهم بس أحنا نطلع مع بعض وايد
وبرأيي تعتمد على الزوجين
وخوش أسم الي أنتي سميت نفسك فيه ...بس أحنا نبي زوجك شنو يسميك....؟؟؟
حسب معلوماتي
يقولون كلمة وحدة
ريلييي
بخوف ورعشة
أنا أقول الريال إللي عنده وزارة الداخلية مو معناته ضعيف أنا أقول إحبا وايد لوووووووول......
بزون
كلامك صح ... نسينا أسم عبود...أنا ماني مبالغ... أكو واحد أعرفه يقول أنا راضي أنتو شعليكم ...أنا أسمي جوزفين ويحط أسم عائله زوجته بعد جوزفين ...شتبين بعد
النسره... أيضا من الاسماء المستخدمه...صاجه والله
أيدك في أن الرجل لازم يسيطر ...بس مو سيطره مزاجيه وانما سيطره عاقله خفيفه ومتفق عليها...بس حلو أنت بنت تأيد هذا الرأي
عاجل
يخوف ورعشه...صح بس أكو أكثر من كلمه... مو بس كلمه واحده...والدليل أقرأ الردود
00000000000000000000000000000000000
أنجنيروا
ممكن يكون حب زايد ...وممكن يكون زيادة حب تحكم....صح
00000000000000000000000000000000000
كويتيه
مشكوره...كلامك صح النسره والساحره والنسر...والريال خيخه ..ودرو ..وكودنه...الخ
كله يرجع للتفاهم أذا هم راضين كيفهم ...بس المشكله اذا كانو مو متفاهمين
أذا كانت تحسسه في وجودها وتحاتيه ميخالف ... بس مو مراقبه وجاسوسيه وبعدين أكو مليون طريقه أحسن من هذه الطريقه... علشان تحسسه بحبها.. وغلاته عندها...بعدين أحنا ما نقول أذا بقت شئ ...طبعا لازم تكلمه أذا بقت شئ... بس الأتصالات الرقابيه...مالها داعي
والله لايفرقكم أنتي وزوجك
اول مره ماالقى كومنت مفحم:p
بس اتوقع اتوقع
ان الشي حلاته مايزيد عن حده ..
يعني بتسأل خل تسأل مو ريلها ؟ بس عاد دبله وكل ساع داقه صراحه مالا داعي .. ونفس الشي ريلها
يعني اكيد قبل لا تطلع قايلة له وين بتروح او مرات يقطها المكان اللي تبيه يعني اكيد عنده خبر
بس يمكن يمكن تكون هالمره رومانسية او يكون اهوا رومانسي .. وفقدها او افقدت ودقت :)
يعني نحط مليون تعش عذر
وأول وتالي احنا مالنا شغل .. لأن هاذي حياتهم واهما متفاهمين وعايشين حياتهم سواء مع وزارة الداخليه والا الخارجيه :p
ريلاكس
أنتي حلاتك ...ريلاكس ليش تعصبين...أحنا نناقش هذه الحالات التي تسبب في بعض الأحيان مشاكل ..وحالات طلاق ..أحنا ما نقول لاتسأل أحنا نتكلم عن المراقبه..والشك ..والأنانيه..والتحكم والسيطره المالقه التي تسبب المشاكل...أما بالنسبه للشخص الي يرضى بهذا فهذا شأنه وحياته وهو حر بما يتفاهم به هو وزوجته...أحنا نناقش هذه الأمور بصفه عامه...وأيضاً بطريقه طريفه...وخليك مثل أسمك ...ريلاكس
ساره
الله يهداك ...أذا هذه أولها ما تبينه يطلع الا معاك...الله يستر من التالي...على العموم أنتي توك بالطريق ... وأنصحك خليه يطلع بس ... بضوابط ومسؤليه وأذا يستاهل هذا وبتفاهم بينكم...لأ ن الي ما يرتاح ..ما يريح... وحلو يغير شويه مع ربعه وأنتي تغيرين شويه مع ربعك
بعدين خففي من الطلبات والتشرط ...علشان نلقالك ريال
ريلى يسمينى البعبع لأنى دايماً أحب كل شىء يمشى صح وبدون أخطاء. وأنا دائماً أطيح عليه يسوى أشياء غلط
freeq8
الزوجة اللى تتصل على زوجها باستمرار تكون بنظرك وزاره الداخلية !!!! مو مخلية زوجها يستانس مع ربعة طيب تعتقد مو سبب الاتصال المستمر ان زوجها مقصر بحقها وبحق اولاده لما الزوج الصبح يروح شغلة وبعد ما يرجع يتغدى وينام وبعد ما يقوم من النوع يروح الدوانية ولا يرجع الا بعد منتصف الليل واحيانا بعد الفجر هل تعتقد ان بهذه الحالة عند اتصال الزوجة بزوجها تقول عنها وزاره الداخلية لو كان الزوج ملتزم بكل واجباتة الزوحية من رعاية لزوجتة وابنائة ومتابعتهم بالدراسة وغير باقى متطلبات البيت لو الزوج فعلا مو مقصر من هالنواحى ولا محمل المسئولية بالكامل على الزوجة صدقنى الزوجة اذا راح زوجها الدوانية وقعد 20 ساعة مع ربعه ماراح تتصل علية وتسأل عنة ولو الزوج كان واضح وصريح وصادق مع زوجتة هم الزوجة ماراح تشك فية وتقولة لونك متغير ولا شنو ريحتك وغيرها لكن المشكلة فيكم انكم دايما تقطون اللوم على الزوجه وما تشوفون عيوبكم ودايما عند نفسكم انتم ابرياء مع ان فى الحقيقة انكم عايشين double life على مايقولون جدام اصدقائكم بصوره وجدام الزوجة بصوره اخرى
والله ماكنت معصبه يوم رديت بالعكس :)
بس مادري حبيت ادلي بدلوي ^_^
العين الساهره
حلو الأسم...بس أعتقد أنتي مسميه نفسك ...ما يحتاج "العين الساهره"بعد ما كو أحلي من هذا الأسم وحلو وايد أن الأنسان يمشي صح ...بس بدون أخطاء ما أعتقد... جان ما سموه أنسان
===================================
كور مخلبص
أختي العزيزه...الظاهر أنك ما قرأت البوست مالي وأكيد قريتي شئ ثاني...لأني مستغرب من التعليق مالك...ولأني لم أقل أي شئ من الي ذكرتيه...وبعدين أنا كتبت أن هذا الموضوع ينطبق على الرجل والمرأه...وبعدين وضحت أن القوه المكروهه هي القوه التي تكون غير مبرره والزايده عن اللزوم ...وليست اللازمه وبينت بعض صورها من الأتصال الى العزيمه الى السفر ووقفت...ولم أقتصر العمليه على أتصل لسبب أو حاجه أوعاطفه فهذا لا ينكره عاقل ...بل وضحت أن الشخصيه القويه للأنسان يجب أن لا تستخدم أستخدام سيئ في العلاقات الزوجيه...لأنه يضرها...وحطيت الموضوع في قالب فكاهي وقلت شنو نسمي هذا الأنسان...هذا رداً على تعليقك أن كان هذا الي كتبتيه تعليق
أما أن كان هذا شكوى من ما تعانين واضح جداً أنك تعانين شئ كبير فقلوبنا تستحمل شكواك...وفضفضتك والظاهر أنك عندك تجربه سيئه مع زوجك وما ألومك أن كان هكذا حاله وحالك... بس لي رجاء خاص أنك لا تتهميني بشئ لم أقله في مقالتي كما أوضحت في بداية تعليقك...وأن لا تهاجميني كم فعلت في نهاية تعليقك... لأني لا أنا ولا المقال سبب مشكلتك ..وانما أنتي الوحيده من يعلم سبب مشكلتك
ولن ينفع الهجوم على الرجال أو النساء بحل مشاكلك
وأتمني عليك قرأة المقال مره أخرى لأتك الظاهر قريتي فقط العنوان...ودخلتي علينا عرض
مسموحه...وشكراً على المرور
===================================
ريلاكس
أدري والله بس قاعد أضحك وياك
وخوش دلو الي أدليتي فيه
شووووووووووووف خلني اقولك
المرا ما اتأذي الريال الي ماسكه عليه شي و شايفه عليه اشياء
لكن الي ماشي في طريجه ما ايله شي
ههههههههههههههه
الريال الاقشر
انا اسميه
السعلووووو
:)
بس خووووووووووش موضوع
ههههههههههههههههههه مديري
اسمعه يسمي زووووووووجته الذيبه
فري...عليك مواضيع عجيبة..
طال عمرك الرجل القوي نسميه ..سي السيد او الحمش
و المرأة القوية ..ممممم ماظن لها مسمى..لان القوة ما تليق للمراة..
اما بالنسبة للرجل الضعيف... خيخة احلى مسمي يلوق له
و المراة الضعيفة ...مسماها " من اهل الله "
و سلامتكم و تعيشون
:)
freeq8
اعتقد انت بعد ما قريت اللى انا كاتبتة عدل تعليقى كان عن انتقادك للزوجة اللى تتصل على زوجها باستمرار وتسأل عنة انت تطلق عليها وزاره الداخلية وانا وضحتلك الاسباب اللى ممكن تخلى الزوجة تتصل وايد وتتبع خطوات زوجها
وعلى فكره انا مو متزوجة وتعليقى ماكان عن حياتى او تجربتى تعليقى عن واقع الحال بالكويت
لوير
صح كلامك في هذه النقطه... بس مرات الرجل أو المرأه في العلاقه الزوجيه يتسلط الطرف القوي فيهم على الثاني...وأكو رجال جننوا حريمهم ...وهم مساكين ما عندهم الا العافيه ...ومو ماسك عليها أي شئ... والعكس صحيح... والسبب قوة الشخصيه أو حب السيطره...وهذا مرض الله يبعدكم عنه...ومثل ما قلتي الي ماشي عدل ما يهمه شئ...بس هم الأنسان يتأثر بالي حوله من كثر ما يسمع سوالف...وهذا ممكن يساعد على الخوف وحب السيطره
والرجال ...سعلو...والمرأه ذيبه...هاهاها
ومشكوره
المشكله انه في ناس تعتقد انه التسلط والتحكم والديكتاتورية شي جميل ويدل على قوة الشخصية عند الرجل وهذا الغلط لان هذي مواصفات المتخلف والمريض نفسيا الله يبعدنا عن هالنوع
felicityq8
مشكور...هذا من ذوقك
نعم كلامك صح نسنا...سي سيد والحمش...كل ما يقول أخواننا المصرين
أنا أشوي أختلف معك هني...حلو أن تكون شخصيه المرأه أو الرجل قويه...ولكن لا بد أن تستخدم هذه القوه لصالح العلاقه الزوجيه...وليس للتحكم والتسلط والسيطره...وأشباع هذه القوه
الرجل الضعيف ... خيخه
والمرأه الضعيفه ... من أهل الله...يواد يحنين أنت
والله يسلمك أخوي
00000000000000000000000000000000000
كور مخلبص
لا والله قريته خمس مرات...أنتي حصرتي المشكله في تعليقك... بس في الأتصال...وهذا غير صحيح ...وانا في القال لم أكتب هذا بل تكلمت عن أتصال وطريقه تصرف في الكلام وفي السفر وأمام الناس والأصدقاء والحش أمام الصديقات...الخلاصه تكلمت عن شخص قوي يستخدم قوته على الطرف الأخر في العلاقه الزوجيه وضربت مثل بأمرأه...أنتي مسكت قضيه الأتصال وصبيت جام غضبك علي الرجال ...وانا قلت أن هذا ينطبق على الأثنين ...هذه نقطه
الثانيه ...الهجوم القوي علي وعلى الرجال وسأذكر منه مقطع "لكن المشكله فيكم أنكم دايما تقطون اللوم على الزوجه وما تشوفون عيوبكم ودايما عند نفسكم أبرياء"...من تقصدين في هذا الكلام ... وهل هذا تعليق أم هجوم أم ماذا... البلوغ للتعبير عن النفس مو للهجوم والقاء التهم
واذا كنت غير متزوجه والتعليق ما كان عن حياتك الله يهداك ... ليش معصبه... وشايشه على الاكو والماكو
وأذا كان تعليقك عن واقع الحال بالكويت فكان الأجدر عليك أنك تناقشين الموضوع بهدوء وبعقل علشان نوصل حق حلول له...مثل كل الي علقوا بهدوء وناقشوا وابدو رأيهم بلطف قبلك ...وما فهموا الموضوع بهذه الطريقه مثلك
ومشكوره مره أخرى
تويتي
نعم كلامك صحيح... أكو وايد ناس عندها هذا الأعتقاد ...صحيح الحالات أكثر في الرجال لأنهم يستغلون قضيه الرجل والقوامه ورب الأسره أكثر ...بس أيضاًهذا موجود في بعض النساء وهو مرض وسوء سلوك ...سميه ما شئتي... يظهر بصوره أكثر أيضا بالمجتمعات الأوربيه
وأمين أنشاء الله
freeq8
انا مو معصبه من وين جزمت انى معصبة من كلمة المشكلة فيكم انا عممت ما خصيتك بالذكر لانى ما اعرفك ولا اعرف ما هى اطباعك او ما هى علاقتك مع زوجتك او اولادك انا علقت لان هالظاهره وايد زايده بالكويت اللى يعطى حق زوجتة علوقة ويعلق عليها جدام ربعة واحيانا زملاءه بالعمل مثل النسره ولا مثل ما ذكرت الداخلية وغيرها من التعاليق الزوج اللى يعلق على زوجتة انا صراحة اشوفة مو كفوا والعكس صحيح الزوجة اللى تعلق على زوجها جدام ربعها او حتى اهلها بعد مو كفوا مهما كانت عيوب الشخص ما فى انسان كامل بهالدنيا العلاقة بين الزوج والزوجة لازم يكون فيها احترام متبادل بين الاثنين تربينا فى بيئة ابهاتنا وامهاتنا جدانا وجداتنا كل واحد فيهم يقدر الثانى ويحترمة جدام الناس مع ان مافى زوج وزوجه ماتشب بينهم مشكلة صغيره او احيانا كبيره لكن شفنا تعاملهم مع بعض فية تقدير واحترام بينهم وبين بعض وهذا اللى يخليهم بين الناس محترمين مو اهى دايره بالكويت تحش بزوجها جدام ربعها ولا اهو داير بين الدواوين يتطنز على زوجتة ليش ام عيالك زوجتك واخترتها تكون شريكه لحياتك ليش تقلل من قيمتها وتخليها هزء جدام الناس مهما فيها من عيوب والعكس اذا قامت الزوجه بنفس الافعال ( عشان ما تقول انى اهجم عليكم) الاخت lawyer علقت وقالت ان مديرها يسمى زوجتة الذيبة فتخيل شنو نظره الموظفين حاليا لزوجه مديرهم وشلون اهو طيح من قيمتها جدام ناس ما فى علاقة تربطة فيهم غير انهم زملاء بالعمل. وارد واعيد اذا كانت الزوجة تتصل باستمرار على زوجها واهو بالدوانية مع ربعه وبعدين مثل ماكتبت تليفون ورا تليفون ومثل ما كتبت بس ما تقدر لازم أتنقص عليه وتتصل واهى تدرى اهو وين فصدقنى ما وصلت الزوجة لى هالشىء الا من الزوج وفعايلة مع زوجتة
اما باقى ماذكرت عشان ماتزعل وتقول انى بس ركزت على التليفون وخليت الباجى علقت وقلت اذا سافروا تسحبة مثل الياهل يمشى وراها يشييل الاكياس ليش عيب ان الزوج يطلع مع زوجتة السوق او شيلة الكياس بتطيح من قدره؟ ميخالف اهى تطلع معاه وتروح اماكن اهو يحبها بس عيب اهو يطلع معاها وتروح اماكن اهى تحبها والكل يعرف ان الكويتيات ايموتون على السوق والتسوق
كتبت وقلت ان اذا عزمك على البيت زوجتة تهذر وتقرق وماتخلى لة مجال يسولف معاك تبيها تبحلق عيونها وتطالعكم انت تشوف صديقك كل يوم وتسولف معاه واهى اول مره تقعد معاك عيب تسولف يعنى وتاخذ وتعطى معاك ولو قعدت ساكتة راح تطلع وتقول عنها نفسها خايسة وشايفه حالها مااقدر اقول بهالحالة ما يعجبكم العجب ولا صيام فى رجب
وللتوضيح انا ما قصدك انت فى اخر تعليقين لى انا علقت على كلام انت كتبتة
واعذرنى على الاطالة
كور مخلبص
يأختي ..أذا أنتي عندك موضوع تبين أتكلمين عنه... الرجاء كتبيه في البلوغ مالك...التعليقات مالتك لا تمت لموضوعنا بصله ...وفعلاً- ما شاء الله- عندك قدره كبيره على الجدل الي ما يفيد... الحين أنا الي كاتب الموضوع ...وما شاء الله عليك أنتي بتعلميني شنو أقصد من موضوعي الي أنا كاتبه...والله عندك قدره عجيبه على النجره والجدل...والله يعين زوجك أن كنت متزوجه...وان كنت غير متزوجه الله يعين الي تبين تتزوجينه...هذا أولاً
ثانياً النقاش والتحاور العام يتم على المواضيع مو على الأشخاص ولا تستخدم فيه الالفاظ ...أنتو...تقطون...وما تشوفون...نفسكم...ما يعجبكم ..هذه الألفاظ ... تصلح للنجره و الجدل و تجسدالشخصنه في النقاش...وهذا أمر غير مقبول... وما ني فاضي له ولا للرد عليه
ثالثاً أستخدمت أسلوب التعميم في ردودك ونقاشك... وهذا خطء ... وأشور عليك أستخدمي التبعيض...مثل بعض او أكثر أو أقل..علشان لاتخطئين ...ويساء فهم موضوعك وتعليقك
رابعا مريت أشوف شنهو كاتبه في البلوغ مالك علشان أتعرف على شخصيتك و أعرف اشلون أرد عليك ما فهمت شئ ولقيتك جديده ...قلت ما تنلام...وحاطه -ما شاء الله- أنك ما تحبين الغلط في البلوغ مالك ...والتعليقات مالتك عندي على البوست كلها ... غلط
خامساً عجبتني وايد كلمة "جدانا"ومن وين أنتي جايبتها... الله يسلمك
سادساً أدري مليون مره أنك ماتعرفيني ...ولا تعرفين أطباعي...و لو تعرفيت أطباعي ...جان ما كتبت التعليق مالك جذي... لان طبعي هادئ... ولكني وما احب لا الغباء وللنجره والنقاش البيزنطي... وما أحب التسرع و الذي ينتصر لرأيه حتى لو كان غلط ويدافع عنه للنهايه ...وأحب الي يتأسف أذا غلط...لأنها قوه في الشخصيه... والي يعرفني يشهد على ذلك
سابعا أنا كا ن بالي وايد طويل معاك علشان نوصل لتوصيل المعلومه لك ...لكن بعد أعطائك فرصتين للتعبير عن رأيك وجدت أنك لا تريدين أن تفهمي الموضوع...بس تبين تعلقين ألي أنتي تبينه
وللمره المليار أعيد وأقول الموضوع ... مو عن مرأه أو رجل تتصل بزوجها لأنها ولهانه عليه...أو عندها حاجه معاه...او شايفه أو صايده عليه شئ...أوتبي تحسسه أنها تحبه أو أهو الي خلاها تسوي جذي من تصرفاته... يعني أحنا ما نتكلم عن الأتصال الذي يكون لسبب طبيعي.. ومقبول.. ومنطقي.. لأن كل هذا مقبول بل مطلوب ... وحتي لما تكلمت عن العزيمه وحتي في السفر لم أذم الأشياء الصحيحه... أحنا نتكلم عن مرأه أو رجل بهم مرض أسمه الشخصيه القويه "الضاره"...والأستعراض لهذه القوه بطريقه لا تخدم العلاقات الزوجيه... وتسبب كثير من المشاكل بين الزوجين ... وهي مرض نفسي... ويقوم به أي طرف للتحكم والسيطره و لأرضاء أنفسهم المريضه فقط لاغير ... وعلقنا عليهم بصور ظريفه وفكاهيه ...أرجو أنك فهمتي الحين... ولا بعد ما فهمتي... لأني أنا الي كتبت هذه المقاله... فهذا قصدي منها ... وللعلم... كل الذين قرأو البوست فهموه وعلقوا عليه من هذه الناحيه... الى أنتي ...ما ني عارف ليش ما فهمتي
ثامنا عطيتك فرصه تعليقين... ولم أمسح أي شئ... ان كا ن لك تعليق عن الموضوع كما شرحته للمره المليار... فأهلاًوسهلا بك ...ً و سأسمح لك بالتعليق عليه ويامرحبا... وأن كان لك مغالطه أخرى... أوأنتصار لرأيك أو هجوم أو شطط عن الموضوع ...فكلي رجاء أكتبيه عندك في البلوغ مالك... لأني لن أسمح للجدل والنقاش البيزنطي والعقيم في هذا البلوغ لأنه يخصني... ولن أسمح لك بعمل دعايه.. وشهره.. لك في هذا البلوغ
وأذا أنتي تربيتي على الأحترام -وهذا شئ حلو - ترى أحنا تربينا على الأحترام.. والتقدير.. والمحبه.. والبساطه.. والتواضع.. والأخلاص..والموده.. والصراحه........وأهم شئ الأعتراف بالغلط..وأعتبارذلك فضيله وقوه
ومشكوره على الزياره
وأئمل أن لا تكون الأخيره
حمدالله على السلامة
المشكلة أول الزواج تكون وزارة الشؤون , طيبة و حنونة و متفهمة لمشاكل الريال, بعدين تتحول وزارة داخلية فترة , تحقيقات و تفتيشات و سجن
و بالأخير تصير وزارة دفاع, قنابل و دبابات و قصف
الله يسلمك
علشان جذي ... عرفنا ليش أنته كله مطقوق....هاهاها
التسلسل مالك وايد حلو... وأخاف أقول أنه صحيح ...علشان لا تطقني الداخليه الي عندي...وعسى الله يخلي كل زوجين لبعض ولايفرقهم يا رب
اعتبر الطرفين مصابين بداء الشكشوك ...
كم امقتهم ,,
.
.
لماذا لا يكون للازواج بعض من الحريات .. وبعض من الاشياء الشخصيه التي لا يتدخل فيها اي طرف اخر !!!
لماذا لا نرقى بالتعامل .. ونحسن النوايا !!
...
الله يعينهم وبس
تروحين وتردين بالسلامه يارب..
حافظج الله ..
:)
بتوحشيني اوي اوي
قنده كويتيه
رأيك على أسمك...رأيك ..قمه العقل وأحلى ما فيه وصية الام حق بنتها...بس على شرط أن يعرف الرجل قيمة هذه المعامله...وذلك لأن البعض -في مجتمعنا للأسف - يعتقد أن الطيبه والحبابه والتواضع ...ضعف
أنا مثلك لاحب الالقاب -من نفس المبدء-ولكن اذا رأيت حاله مثل هذه ماذا تسمينها وتطلقين عليها....هذا ما أردت القراء أن يفعلوه بعد قرأة الموضوع...ولم يكن هدفي أن يتنابز الأزوج بالألقاب...حتى لا يساء فهمي
أما الذكريات...جايه في الطريق...ولن اعلق أحد أنشاء الله
ومشكوره على رأيك ومرورك
===================================
رحيق
نعم هذه شخصيه كريهه وهي كما قلتي مرض ...الله لايبلانا...ولكنها موجوده في مجتمعنا...وأوافقك الرأي.. بأن الحريه المسؤله للطرفين هي الحل...بشرط ان يحترم الطرفين حدود هذه الحريه
وشكراً لك على أرائك
أما التعليق الذي يليه ...فهو لغيري وليس لي ...لأني توني راجع من السفر
انا من رأيي ان المرة اللي تدق و تسأل لأنها تخاف على ريلها و تحبه و العكس صحيح ... و بالعكس شي حلو انهم يسئلون عن بعض و يتطمنون مو كل واحد طالع بصوب مايدري عن الثاني شي ... بس السؤال يكون يكون باعتدال و باسلوب حلو مو دفاشة و صراخ و يكون فيه ثقة متبادلة
اخي الكريم
يرجى مراجعة كلمة الاستقلال في بانر الصفحة بالاعلى
تحياتي
dawn fairy
الي تدق علشان تحب زوجها وتخاف وتطمئن عليه ..أو العكس -أذاحصل من الرجل أو المرأه- هو من الأمور المطلوبه والجميله والمحببه في العلاقات الزوجيه...لكن كلامنا مو عن هذا الأتصال ...كلامنا عن الاتصال التسلطي والرقابي الذي ليس له داعي ...ألا أشباع شخصية المتصل القويه وحب فرض السيطره والنفوذ من قبل طرف على الأخر... وللأسف هذه حاله مرضيه وعاده سيئه... ولكنها موجوده للأسف أيضاً في مجتمعنا
00000000000000000000000000000000000
عاجل
شكراً على التنبيه
وتحياتي لك بالمثل...وتسلم أخوي
hi there
beautiful post
these women do exist. theyre called wizarat al da5iliya - sa7ra - si3lowa ..
men like them do exist to, theyre called:
si al sayid - fir3on - alshift ...
al mara al 6ayba al thiqa:
san3a - 7beba - tharba - 5osh mara ...
ok these names are not made up theyre from real life ppl i know ;p so theyre just real.
nice post again i like ur blog
ps. im still waiting for ur paiting ;p
هاهاهاها الموضوع حلو وقوي وهالنوع من الرجال موجود وبكثره وهذا من حظ زوجاتهم ان يلقون واحد يتحكمون فيه مو واحد يخليهم يمشون ويكلمون روحهم
الرياييل الى حريمهم على نياتهم يسمونهم البلديه لأنهم يسسون خطط بس كله تفشل
وللأمام وننتظر منك المزيد
no3ik
yes you right...and i think mens are more
nice names....fir3on
i would say "onthaa" for al mara al6ayba...thaxxx....3la al mroar
la tensain al zikrayat the yestrday post wotab3eena...thank U
HOSNO
كلامك ..صح
وخوش أسم "البلديه"بس الخطط تفشل ولا أكو أشياء أخرى بعد
وشكراً على المرور الرجاءأيضاً متابعه الذكريات وأهو الموضوع القادم...وشكراً
إرسال تعليق